Lidhja Demokratike e Kosovës(LDK), ka dënuar ashpër sulmin e Hamasit kundër Izraelit, dhe kanë theksuar se qëndrojnë përkrah popullit izraelit.

Përmes një postimi në Facebook, thuhet se kryetari i LDK-së, Lumir Abdixhiku, qëndron dhe solidarizohet me presidentin Isaac Herzog dhe popullin izraelit në këto momente shumë të vështira e të rënda për ta, përcjell Arbresh.info

Abdixhiku po ashtu ka shprehur ngushëllime të gjithë atyre që humbën më të dashurit e tyre.

Postimi i plotë:

Lidhja Demokratike e Kosovës dënon ashpër sulmin terrorist dhe qëndron përkrah popullit izraelit. Sulme të tilla terroriste janë të papranueshme dhe i dënojmë fuqishëm.

Kryetari i LDK-së, Lumir Abdixhiku qëndron e solidarizohet me presidentin Isaac Herzog dhe popullin izraelit në këto momente shumë të vështira e të rënda për ta. Kryetari Abdixhiku po ashtu u shpreh ngushëllime të gjithë atyre që humbën më të dashurit e tyre./Arbresh.info